கொலைகள் பற்றி தொடரும் கனவு

கொலைகளற்ற கனவுகளிற்க்காய் நான்
மறுத்திருந்த இரவுகள்
அழகிய தருணங்களை உனக்காய்
செதுக்கிய என் அஜீரனமற்ற பொழுதுகள் சகி...

மரணத்தில் எஞ்சிய என்னை
அதட்டிக்கொள்வதால்
சலனமற்ற இரவுகளில் குழையும்
எல்லோரும் எப்படியோ
வெற்றி கொள்ள்கிறார் .

அதிகாரம் கனத்த சொற்களை
பாட மறுத்ததற்க்காய் என்னை
தோர்க்கடித்த எல்லோரும்
உரிமை மீறிய அதட்டலோடு
எப்படியோ தண்டித்து போகின்றார்கள்...

சாட்சிகள் அற்ற நிரபராதியின் கழுத்தை இறுக்க
இன்னமும் எத்தனை கயிறுகளை
இவர்கள் பின்னிக்கொண்டிருக்க போகிறார்கள்

ஆயினும் ..,

கொலைகளற்ற கனவுகளிற்க்காய் நான்
மறுத்திருந்த இரவுகள்
அழகிய தருணங்களை உனக்காய்
செதுக்கிய என் அஜீரனமற்ற பொழுதுகள் சகி...

அருகிலிருக்கும் உன்னை
தழுவிக்கொள்ள முடியாமலிருக்கும்
வலியிழந்த கைகளின் பற்றுதலில் நீ
பூரிப்பதாய் முறுவும் பாசாங்குகளில் ,
நிறையும் என் கூனல்களில் மட்டுமே

நான் எப்போதும் குற்றம் சுமக்கிறேன்...

உயிர் வலி ஓலம் நிறைந்த புழுதியில்
கனமின்றிக் கடந்த எந்த பொழுதுகளை
நீ அசை போட முடியும் ?
சொல் ...

மிருகத்தைக்காக்கும் கடவுளின் அசரீரிகள்

சொற்கள் நனைந்திருந்த என் பாடலில்

பரிட்சியமற்ற எந்த வார்த்தைகளின்

உறுத்துதலிர்க்காக என்னை நீ

தண்டித்துக்கொண்டிருக்கிறாய்

குருதி வழியும் கால்களிற்க்காக

என் சுவடுகளை அந்நியப்படுத்தும் நீ

களைத்திருந்த என் குரல்வளையினை கீறுவதால்

பலவீனம் மிகுந்திருந்த எனை விலங்கிடுவதால்

துளிர்க்கும் உன் வீரத்தை யாரோடு பகிரப்போகின்றாய்

நினைவு கனத்த பாடலிற்க்காக

எனை விலங்கிடும் உன்னை

அதிகாரப்படுத்தும் அகலம் நிறைந்த

சுவடுகள் கொண்ட உன்னை

சகிக்க முடியாத கொடூரம் நிறைந்த

குழந்தைகள் வீரிடும் முகம் கொண்ட உன்னை

உன்னை மட்டும்

எப்படி கடவுளின் அசரீரிகள் இன்னமும்

காத்துக்கொண்டே இருக்கின்றன