கனவுகள் நோக்கி நகரும் குருதி

என்புகள் நெருங்கிச்சிதைந்திருந்த

நினைவு கனத்த பறவையின் நாட்களை

புனைவுகளற்ற சொற்களால் நாம்

கூறிக்கொள்வதற்க்காய் நீ

விலங்குகளை பரிசளித்திருந்தாய்

நாம் சபிக்கப்பட்ட கடவுளின்

நகரத்திலிருந்து வந்திருந்தவர்களால்

பணிந்துபோக மீளவும் பிரார்த்திக்கப்பட்டிருந்தோம்

புதைந்த ஆன்மாக்களின்

குருதி பிசுபிசுத்த கனவுகளை கிளறியபடி வந்திருந்த

உருவம் தாங்கிய கோரங்களின்

சுயபுராணங்களால் எம்

புருவங்கள் வியர்த்துக்கொண்டிருந்தன

தீய்ந்துபோன கனவுகளின்

வெறுமை இரவுக்குள்

கிளிக்கப்பட்ட நிர்வானப்பிண்டங்களோடு

புணர்ந்து கொள்வதற்க்காய்

அலைந்துகொண்டிருந்தவர்களின்

கறைபடிந்த பற்களுள்

உன் பொழுதுகளும் தேய்கிறது

கனவுகள் பற்றி கூறும்போதெல்லாம்

வியந்துபோக மட்டுமே முடிந்தது

வலி நெருக்கிய மரணங்கள் பற்றி அறிந்திராத

கடவுளின் நகரத்திலிருந்து வந்தவர்களால்

வியந்துபோக மட்டுமே முடிகிற

பிறிதொரு ஆத்மாவின் ஆரம்பமாய்,

உன் இரவுகள் பூசியிருந்த கனவின்

வர்ணங்களை சுரண்டிக்கொண்டிருந்தவர்களையும்

தாண்டி நகர்கிறது குருதி .

( செய்தி - நல்லூரில் அமைந்திருந்த தியாகி திலீபனின் நினைவுத் தூபி முழுமையாக அழிக்கப்பட்டுள்ளது )

கனவுகள் புதைந்த வெளி

நகர் எரித்த வானரங்களின்

மனிதாபிமான அதட்டலில்

எல்லோரும்

புல்லரித்துப்போயிருந்த போது

பதுங்குகுளிகளை மூடிய

சாம்பல் நகரத்திற்க்கு நாம்

பொதி சுமக்க பிரார்த்திக்கப்பட்டோம்

குருதி கசியும் நிலங்களை நனைத்தபடி

கூசிய கால்கள் நகர்ந்தபோது

தீ நிறைத்து ஓய்ந்து போன

நிசப்த வெளிகள் எமை

மரணம் நோக்கி அழைத்தன

கனவுகள் புதைந்த வெளிகளில்

தோழ் கனத்த பொதிகளின் கூனலை

வானரங்கள் வாய்கிழிந்த

நகைப்புடன் வரவேற்றன

தீ மிதித்த கால்களின்

கொதிப்புக்கள்

தொடர்ந்துகொண்டே இருக்கும்,

நிசப்த வெளிகளுக்குள்மிகுந்த

மரண பயத்துடன்

தலை தரும் ஆடுகள்

மரணம் நெருக்கிய

பலவீனப்பிண்டங்களை

உன் குரல்வளை நரகம்

சிறைபடுத்திக்கொண்டது

காதை கிளிக்கும் கரங்கள்

விலங்குகளினால் சூடப்பட்டன

கிழறிய பிணங்களின் நாற்றங்களை

உதடுகள் கிளிந்த புன்னகையால் நீ

தளுவிக்கொண்டாய்

விசமாய் பால் சுரந்திராத கணங்களிற்க்காக

உன் தாய் மார்பை அறுத்துக்கொண்டாள்

குருதி கசிந்திருந்த வானம்

உன் வருகையின் பின்பதாய்

இறந்துபோனது

உன் பாடல்களில் நீ

உன்னையும் அடிமையாக்கிக்கொண்டிருந்தாய்

உன் விரல்களில் தெறித்திருந்த

சதைகளின் கனத்தை நீ

உன் குரல்வளைகளால்

நெரித்துக்கொண்டிருப்பதை

அரசன் ரசித்துக்கொண்டிருந்தான்